ٹرمپ کے بیان پر ایران کا ردعمل، تاریخی ثقافتی ورثہ دنیا کے سامنے پیش

ایران کا ثقافتی ورثہ ایک بار پھر توجہ کا مرکز بن گیا ہے جب امریکی صدر ڈونلڈ ٹرمپ کے بیان پر ردعمل سامنے آیا۔

جنگ بندی سے قبل ٹرمپ نے کہا تھا کہ وہ ایک رات میں ایران کی تہذیب کو تباہ کر سکتے ہیں، جس پر شدید ردعمل دیکھنے میں آیا۔

اس کے جواب میں سویڈن میں ایرانی سفارتخانے نے سوشل میڈیا پر ایک ویڈیو جاری کی جس میں ایران کی تاریخی اور ثقافتی خوبصورتی کو اجاگر کیا گیا۔

ویڈیو میں اصفہان میں واقع تقریباً 400 سال قدیم مسجد کو دکھایا گیا جو فن تعمیر کا شاہکار ہے۔

Built in 1630 in Isfahan, Iran, this mosque is designed so that a speaker’s voice echoes throughout the space from a specific point.
If you stood at that point, what word(s) would you say, knowing it would be beautifully repeated by the ingenuity of Iranian architects? pic.twitter.com/3lz9rxH3Rk

— Iran Embassy in Sweden (@IRANinSWEDEN) April 18, 2026

اس مسجد کی خاص بات اس کا منفرد صوتی نظام ہے جہاں بغیر لاؤڈ اسپیکر کے بھی آواز پورے ہال میں واضح طور پر سنائی دیتی ہے۔

ویڈیو میں یہ بھی دکھایا گیا کہ معمولی آواز، جیسے کاغذ کو سیدھا کرنے کی آواز، بھی پوری مسجد میں گونج پیدا کرتی ہے۔

مزید برآں ایرانی سفارتخانے نے ایک قدیم گرجا گھر کی ویڈیو بھی جاری کی جو صدیوں پرانا ہے، جس سے ایران کے ثقافتی ورثے کی گہرائی اور اہمیت ظاہر ہوتی ہے۔